Statistika
Ha-hazirda saytda 1 Qeydiyyatsız 1 Qeydiyyatlı 0 |
ANA Səhifə » 2010 » Avqust » 17 » Gəl yanıma, balaca
|
Mən də sənin kimi gülə-gülə qaçırdım,
bu balaca parkda.
Hərdən yıxılıb dodaq da büzürdüm,
balaca qız...
eynən sənin kimi.
Mənim də anam bax beləcə
Arxanca qaçırdı,
yıxılmayım deyə.
Əlindəki gəlincikdən mənim də vardı, körpə
Saçlarını yolardım onun eynən sənin kimi...
Hə, balaca sənin kimi ağlağandım,
İnadkardım
Bax, o qıza baxdığın kimi,
mən də baxardım uzunsaç qızlara
tez böyümək istərdim, tez...
Ancaq indi...
Bu parkda gülə-gülə qaçmaq,
Hərdən də yıxılıb dodaq büzmək
Şansım yoxdu.
Böyümüşəm artıq, körpə.
Məhdudlaşıb, mənasızlaşmışam
Daha gəlinciyim də yoxdu.
Olsa da canlı olacaq, incidə bilməyəcəm.
Saclarından tutub, sənin kimi yerlə sürüyə bilməyəcəm
Ancaq sığallaya biləcəm canlı gəlinciyimi.
Artıq sənin kimi ağlaya da bilmirəm, körpə
İndi göz yaşlarım çox duzludu
Göynədir yanağımı
Çarəsizlikdən dişlədiyim dodağımı
Saçlarımsa qısadır
Sənin baxıb həsəd aparmayacağın qədər qısa,
Gəl yanıma, balaca... |
|
Baxılıb: 229 |
Əlavə etdi: Narmin
| Reytinq: 0.0/0 |
|
 |
